- Tíðindi, mentan og ítróttur
Turkiskt dómarapar leiðir dystin í Skopje
Turkiskt dómarapar leiðir dystin í Skopje
Lagt er upp til rokmiklan dyst í ikonisku Boris Trajkovski høllini í Skopje í kvøld, har norðurmakedónsku áskoðararnir fara at leggja øgiligt trýst á dómararnar
Mynd: Trtspor
12.05.2024 - 11:12
Tað vera Kürşad Erdoğan og İbrahim Özdeniz, sum døma seinna undandystin móti Norðurmakedónia.
Sambært yvirlitinum hjá evropeisku hondbóltssamgonguni, EHF, hevur Turkaland tvey altjóða dómarapør, sum eru egnað at døma vaksnamannadystir á hesum stigi.
Eingin ivi er um, at turkiska dómaraparið fer at merkja eitt ógvusligt trýst frá teimum okkurt um 5.000 áskoðarunum, sum vera í Boris Trajkovski høllini í kvøld.
Norðurmakedónska hondbóltssambandið væntar fullsetta høll.
Tað er ikki nógv at finna um royndirnar hjá Kürşad Erdoğan og İbrahim Özdeniz, men talan er um eitt roynt dómarapar, sum hevur dømt á altjóða stigi í meira enn 10 ár.
Bæði endaspøl hjá landsliðum, Champions League og annað.
Nýggjastu sendingar í ÚV
Nýggjastu sendingar í SV