- Tíðindi, mentan og ítróttur
Byggja lutaíbúðir í Leirvík
<div>Eysturkommuna fer nú - saman við Húsalánsgrunninum - undir at byggja fimm lutaíbúðir í Leirvík. Talan er um fyrstu verkætlan av sínum slagi í Føroyum, og fyrstu verkætlan hjá Húsalánsgrunninum av hesum slag, nú grunnurin hevur fingið nýggjar heimildir.</div><div><br></div><div>Á fundi fyrr í vikuni samtykti býráðið í Eysturkommunu at taka stig til at byggja fimm lutaíbúðir og at stovna eitt lutaíbúðarfelag. Húsalánsgrunnurin fíggjar, og Eysturkommuna verður byggiharri, til byggingin er liðug, og kann handast lutaíbúðarfelagnum fyri keypsprís.</div><div><br></div><div>Í 2007 gjørdi táverandi Leirvíkar kommuna eitt øki byggiklárt til endamálið, samstundis sum tekningar av íbúðunum vórðu gjørdar. Nú lógarheimildin er greið, er klárt at fara undir byggingina.</div><div><br></div><div>Kommunan og Húsalánsgrunnurin fara seinnapartin at stovna lutaíbúðarfelagið, og og síðani byrjar arbeiðið. Tá keyparar eru til íbúðirnar, verður lutaíbúðarfelagið latið nýggju eigarunum, og kommunan og Húsalánsgrunnurin taka seg úr felagnum.</div><div><br></div><div><b>Størri fjølbroytni í bústaðarmarknaðinum</b></div><div><br></div><div>Endamálið við lutaíbúðum er at skapa størri fjølbroytni í bústaðarmarknaðinum í kommununi. Eydnast henda verkætlanin væl, eru lunnar lagdir undir fleiri tílíkar verkætlanir í kommununi, sigur Jóhan Christiansen, borgarstjóri í Eysturkommunu.</div><div><br></div><div>Eysturkommuna og Húsalánsgrunnurin eru samd um, at íbúðirnar skulu taka atlit at umhvørvinum. Tí verður stórur dentur lagdur á, at íbúðirnar verða væl bjálvaðar, krøv vera sett til tættleikan av bygningunum, og hitakeldan verður ?grøn?. </div><div><br></div><div>Samstundis er ætlanin at seta upp eina skipan við hitavekslarum, sum endurnýtir hitan úr brúksvatninum, og sum gøtumaðurin, Heri S. Jacobsen, hevur ment og fingið patent uppá. </div><div><br></div><div>Íbúðirnar verða bygdar soleiðis, at at fólk við serligum avbjóðingum eisini kunna søkja um at keypa eina íbúð á jøvnum føti við onnur. Íbúðirnar verða bygdar við Ranggil, oman fyri skúlan í Leirvík.</div><div><br></div>