- Tíðindi, mentan og ítróttur
Fuglfirðingar fáa onga fólkaatkvøðu
<div>Býráðið í Fuglafirði vil ikki hava vegleiðandi fólkaatkvøðu um samanlegging við Eysturkommunu.</div><div><br></div><div>Býráðið feldi í gjár uppskotið hjá Kristinu Toftegaard Larsen um fólkaatkvøðuna. Átta atkvøddu ímóti, og bara Kristina Toftegaard Larsen atkvøddi fyri.</div><div><br></div><div>Uppskotið hjá Kristinu Toftegaard Larsen kom fyrst í mars. Hon vildi hava fólkaatkvøðuna um samanlegging við Eysturkommunu, áðrenn fólkaatkvøðan hjá Innlendismálaráðnum um samanlegging við alla Eysturoynna var 3.mai.</div><div><br></div><div>Men á býráðsfundi 29.mars samtykti býráðið eitt broytingaruppskot frá borgarstjóranum um at útseta fólkaatkvøðuna til fólkaatkvøðan hjá Innlendismálaráðnum hevði verið. Tað uppskotið varð samtykt. </div><div><br></div><div>Í gjár atkvøddi býráðið so um uppskotið hjá Kristinu Toftegaard Larsen, og tað varð felt. Á fólkaatkvøðuni 3.mai var stórur meiriluti í Fuglafjarðar kommunu í móti samanlegging.</div><div><br></div><div><b>Taka samanum</b></div><div><br></div><div>Í Runavík samtykti býráðið einmælt í gjár at taka saman um samráðingarnar, sum hava verið við Nes kommunu og Sjóvar kommunu um samanlegging og ella samstarv.</div><div><br></div><div>Innlendismálaráðið vil hava fund við býráðið um kommunusamanlegging, tí Runavík var sjálv onnur kommunan í Eysturoynni, har sum meirluti var fyri, at øll Eysturoyggin er ein kommuna.</div><div><br></div><div>Hin kommunan er Sjóvar kommuna. Har samtykti bygdaráðið fyrr í vikuni ikki at samráðast við Runavík um samanlegging. </div><div><br></div><div><br></div><div><br></div>