Röddin

VIT

 

Hava tikið kunningina frá SEV til eftirtektar
Artur Johansen, borgarstjóri, sigur, at Sjóvar kommuna hevur tikið ætlanirnar hjá SEV á Selatrað til eftirtektar.
Mynd: Savnsmynd  
SEV kunnaði Sjóvar kommunu um sínar ætlanir á Selatrað. Borað verður suður til Sandá, men ikki upp í ánna
13.09.2012 - 15:09
 
- Sev ger sum tað vil í undirgrundini. Vit hava fingið eina kunning um ætlanina, og hana hava vit tikið til eftirtektar.

Soleiðis sigur Artur Johansen, borgarstjóri í Sjóvar kommunu, um ætlanina hjá SEV um at halda fram við boringini suður til Sandá, hóast felagsskapurin hevur fingið greið boð frá Sjóvar kommunu um, at hon ikki gevur loyvi til at taka vatnið í Sandá til streymframleiðslu.

Bora ikki upp í ánna

Avgerðin varð tikin í kommunustýrinum fyri einum ári síðani, eftir at allir borgararnir á Selatrað heittu á kommunustýrið um at nokta SEV at taka vatnið úr áunum, ið renna gjøgnum Selatraðar bygd. Nevndin í SEV hevur nú tikið avgerð um at bora suður til Sandá kortini, men ikki at bora upp í ánna. 

Á henda hátt fáa komandi ættarlið møguleika fyri at velja ein bíligan hátt at taka avgerð um at fáa eina millión kilowatt av grønari orku um árið, um áhugin er til tess. Soleiðis ljóðar grundgevingin hjá SEV nevndini at brúka fýra milliónir krónur eyka til at bora hesar 600 metrarnar afturat.

Kunnaðu frammanundan

Borgarstjórin fyri Sjóvar kommunu sigur, at SEV kunnaði kommunustýrið, áðrenn ætlanin varð almannakunngjørd týsdagin.

- Vit tóku kunningina til eftirtektar, tí SEV hevur rættin til at gera hetta. Okkara heimild er bert at geva loyvi til at taka vatnið úr ánni, og tað eru ongar ætlanir um tað í hesum umfari, staðfestir Artur Johansen.

Kommunustýrið avgjørdi at kunna sínar borgarar um hetta á heimasíðuni hjá kommununi. Ongin borgari í kommununi hevur mótmælt hesum, sigur borgarstjórin.
 

Tíðindi

viktor-frankl.jpg

Søgan um Viktor Frankl (1:2)

Tann fyrra av tveimum útvarpssendingum um neurologin og sálarlæknan Viktor Frankl

knut_haberg_eysturstein_solveig_hanusardottir_olsen_finnur_koba_og_trondur_vatnhamar.jpeg Á Quiztinum, 2. fjórðingsfinala, 10. umfar

Tróndur Vatnhamar og Finnur Koba kappast móti Solveig Hanusardóttir Olsen og Knút Háberg Eysturstein

enoksen.jpg Hóttir við at taka loyvi frá smuglaraskipum

Grønlendski landsstýrismaðurin í fiskivinnu- og veiðumálum hóttir við at taka loyvi frá grønlendsku skipunum, um tey ikki fáa skil á rúsevnum umborð

kristina_baerendsem.jpg Kristina Bærendsen í Eurovision í Íslandi

Eivør hevur roynt tað, Jógvan Hansen somuleiðis, og nú fer Kristina Bærendsen at syngja í íslendsku Eurovision kappingini