35.500 fólk hava valrætt á kommunuvalinum

35.488 føroyingar hava valrætt á kommunvalinum tann 13. november, upplýsir Innlendismálaráðið.

Veljast skulu til samans 204 kommunustýrislimir í teimum 30 kommununum. Flestu veljarar eru í størstu kommununi í landinum, Tórshavn, har 14.387 borgarar hava valrætt.

Fugloyar kommuna hevur fæst veljarar, 36 í alt. Valstaðið á Hálsi í Havn er tað størsta við 11.722 veljarum, og valstaðið í Mykinesi er tað minsta við 12 veljarum.