- Tíðindi, mentan og ítróttur
Kunnu spara 92 mió. kr. í Marknagili
<div>Tað verður ein skerdur skúladepil, sum skal byggjast í Marknagili. Føroya størsta byggiverkætlan er tódnað góðar 2000 fermetrar í gólvvídd. </div><div><br></div><div>Landsverk er komið við sínum endaliga tilmæli til landsstýrismannin í mentamálum. Sparingar kunnu fremjast fyri góðar 92 milliónir krónur. Kortini verða allar funktiónir og krøv, sum byggiskráin tilskilar, varðveittar. Eisini ber til at varðveita artitektoniska hugskotið, sigur Landsverk í tilmælinum. </div><div><br></div><div><b>2.000 fermetrar færri</b></div><div><br></div><div>Tilmæli umfatar eina røð av sparingum. Eitt nú minkar samlaða gólvvíddin við á leið 2000 fermetrum. Hetta merkir millum annað, at skúlastovurnar, sum skuldu vera 69,4 fermetrar, nú vera 65,5 fermetrar til støddar. </div><div><br></div><div>Samlaða bygningshæddin lækkar við 3,8 metrum, og 20 prosent av glassfasaduni skal takast burtur og annað tilfar skal nýtast í staðin - umframt aðrar sparingar. Hóast Landsverk hevur funnið sparingar fyri 92 milliónir krónur, restar framvegis nógv í, tí skúladepilin gjørdist 155 milliónir krónur dýrari enn ætlað. </div><div><br></div><div>Tí mælir Landsverk Mentamálaráðnum til at biðja um eina meirjáttan á 64 milliónir krónur til endamálið. </div><div><br></div><div><b>455 mió. kr.</b></div><div><br></div><div>Mælt verður eisini til, at verklagslógin verður broytt samsvarandi, so Landsverk fær heimild at brúka tilsamans 455 milliónir krónur at byggja skúladepilin fyri. Haraftrat skulu aðrar 60 milliónir krónur brúkast til innbúgv. </div><div><br></div><div>Bjørn Kalsø, landsstýrismaður, hevur upplýst fyri løgtinginum, at arbeitt verður við at broyta verklagslógin, so játtanin verður hækkað. </div><div><br></div><div>Landsstýrismaðurin segði við útvarpið í gjár, at samgongan í hesi vikuni fer at viðgera málið um Marknagilsdepilin, og tá fæst at vita, um hann fær undirtøku í samgonguni fyri broytingunum. </div><div><br></div><div>Bygginevndin fyri Marknagilsdepilin er kunnað um tilmæli frá Landsverki, og bygginevndin tekur undir við broytingunum. </div><div><br></div>
