Strikaðu samtyktina um sjeyndu flokkarnar

Nú er greitt, at allir sjeyndu flokkarnir í Sunda kommunu kortini ikki skulu vera í Felagsskúlanum á Oyrarbakka. Ein nýggjur bygnaður skal gerast

Ein meiriluti í Sunda kommunu samtykti í gjárkvøldið at strika avgerðina hjá gamla býráðnum um, at allir sjeyndu flokkarnir skulu vera á Felafgsskúlanum á Oyrarbakka.

Høgni Djurhuus

Johnsigurd Johannesen

29.01.2013 - 11:16

<div>Nýggja býráðið í Sunda kommunu strikaði á sínum fyrsta fundi eina avgerð, sum gamla býráðið tók á sínum seinasta fundi. </div><div><br></div><div>Allir sjeyndu flokkarnir í kommununi skulu kortini ikki vera í Felagsskúlanum á Oyrarbakka frá næsta skúlaári. </div><div><br></div><div>Tað samtykti býráðið annars tann 17.desember í fjør. Men í gjárkvøldið varð samtyktin ógildað við sjey atkvøðum fyri og fýra ímóti.</div><div><br></div><div><b>Øll skúlastýrini ímóti</b></div><div><br></div><div>Øll skúlastýrini í kommununi vóru ímóti bara at hava sjeynda flokk í Felagsskúlanum. Í gjárkvøldið samtykti býráðið at gera ein nýggjan skúlabygnað fyri kommununa. </div><div><br></div><div>Uppskot skal verða gjørt fyri summarfrítíðina í ár, og endaliga loysnin skal vera liðug við árslok. Ætlanin er, at nýggi bygnaðurin skal virka, tá farið verður í skúla eftir summarfrítíðina í 2014.</div><div><br></div><div>Stívliga 200 skúlabørn eru í skúlunum í Sunda kommuna, frá fyrsta til sjeynda flokk. Harafturat eru 80 næmingar í framhaldsdeildini í Felagsskúlanum.   </div><div><br></div>