- Tíðindi, mentan og ítróttur
Mælir til samráðingar um allan uppsjóvarfisk
<p>Jákup Mikkelsen, formaður í uttanlandsnevndini, mælir til, at samráðingar verða tiknar upp av nýggjum um allan uppsjóvarfisk í Norðurhøvum, og at fiskifrøðingar og aðrir serfrøðingar meta um, hvussu nógv hvørt land hevur rætt til at fiska.</p><div><br></div><div>Jákup Mikkelsen sigur við Dimmalætting, at verða tiltøk sett í verk móti Føroyum, fær tað álvarsligar avleiðingar. Hann heldur, at svarið, sum landsstýrið hevur sent ES, er skilagott, men svarið kemur ov seint, sigur formaðurin í uttanlandsnvendini.</div><div><br></div><div><b>Áttu at verið meiri virkin</b></div><div><br></div><div>- Vit áttu fyri langari tíð síðani verið meiri virkin í samráðingunum. So høvu vit neyvan livað undir hóttanini um boykott nú, sigur Jákup Mikkelsen við Dimmalætting.</div><div><br></div><div>Hann skjýtur upp, at øll londini fara undir samráðingar um uppsjóvarfiskin. Fiskifrøðingarnir skulu áseta, hvussu stór mest loyvda veiða skal verða, og síðani skulu teir gera eina meting, sum byggir á eitt nú ferðingarmynstur, og hvussu stóran part hvørt einstakt land kann sleppa at fiska. </div><div><br></div><div>- Sjálvandi skulu politiskar samráðingar eisini verða, har tað endaliga verður avtalað, sigur formaðurin í uttanlandsnevndini.</div><div><br></div><div>Jákup Mikkelsen mælir til, at tað skal bera til at fiska uppsjóvarfiskin alla staðni, so hann kann fiskast, tá ið tað loysir seg best. </div><div><br></div><div><br></div>
