Vinnumálaráðið viðger hvør eigur Marine Harvest

Bæði Bakkafrost og Marine Harvest í Norra siga seg hava keypt 27 prosent av Marine Harvest í Føroyum

Hóast Vinnumálaráðið longu tann 9. mai boðaði Marine Harvest frá, at móðurfelagið í Norra ikki kundi keypa øll partabrøvini í dótturfelagnum í Føroyum, er málið framvegis til viðgerðar í Vinnumálaráðnum.

Høgni Djurhuus

19.06.2013 - 15:05

<div>Hóast Vinnumálaráðið longu tann 9.mai boðaði Marine Harvest frá, at móðurfelagið í Norra ikki kundi keypa øll partabrøvini í dótturfelagnum í Føroyum, er málið framvegis til viðgerðar í Vinnumálaráðnum.</div><div><br></div><div>Tí Vinnumálaráðið skal nú avgera, um til ber at geva undantaksloyvi, so Marine Harvest í Bergen kann eiga eitt alifelag í Føroyum 100 prosent, hóast hámarkið í lógini nú er 20 prosent. Marine Harvest átti 73 prosent, áðrenn lógin varð broytt, so tað er í lagi. </div><div><br></div><div>Men tey 27 prosentini koma upp í leikin, eftir at lógin er broytt.</div><div><br></div><div><b>Bæði siga seg eiga</b></div><div><br></div><div>Bæði Bakkafrost og Marine Harvest siga seg hava keypt 27 prosent av Marine Harvest Faroes frá íløgufelagnum hjá Eik Banka, Notio. Bakkafrost keypti fyrst, men so brúkti Marine Harvest í Norra sín forkeypsrætt, sum er í partaeigarasáttmála frá 2004.</div><div><br></div><div>Og 2.mai fær Vinnumálaráðið fráboðan um broyting í ognarviðurskiftunum í P/F Marine Harvest Faroes. P/F Marine Harvest Faroes boðar frá, at P/F Notio Framtaksfelag hevur selt síni 27,07% av partabrøvunum í P/F Marine Harvest Faroes til Marine Harvest ASA, Bergen, fyri 54 mió. kr.</div><div><br></div><div>Bakkafrost keypti eisini fyri 54 mió. kr. </div><div><br></div><div><b>Ikki heimild</b></div><div><br></div><div>Men Vinnumálaráðið svaraði eina viku seinni, 9.mai, at heimild er ikki í alilógini fyri handlinum hjá Marine Harvest. Ikki eftir teirri lógargreinini, sum víst verður til í fráboðanini. Marine Harvest góðtók ikki svarið og vísti nú á undantaksregluna í lógini.</div><div><br></div><div>Og tann møguleikin, undantakið, er nú til viðgerðar í Vinnumálaráðnum, sigur Sørin Pram Sørensen, leiðandi løgfrøðingur í ráðnum.</div><div><br></div><div><b>Avhenda partabrøvini</b></div><div><br></div><div>Hin møguleikin er, at Marine Harvest í Norra fær freist at avhenda partabrøvini, sum felagið hevur keypt. Vinnumálráðið hevur ikki ógildað forkeypsrættin og partabrævahandilin hjá Marine Harvest. </div><div><br></div><div>Um forkeypsrætturin og partabrævahandilin kunnu gerast til einkis, hevur Vinnumálaraðið ikki viðgjørt ella tikið støðu til, stendur í einum telduposti 22.mai frá Sørini Pram Sørensen til Marine Harvest. </div><div><br></div><div>Undantaksreglan kann brúkast, um avtalan um partabrævakeyp er gjørd fyri 9.august í fjør, tá 20 prosent markið kom í gildi, og tað verður mett at hava alstóran fíggjarligan týdning fyri viðkomandi, at undantak verður givið. </div><div><br></div><div><b>Bakkafrost ger vart við seg</b></div><div><br></div><div>Bakkafrost hevur eisini gjørt vart við seg í Vinnumálaráðnum. Advokaturin hjá felagnum sigur í brævi, at alilógin er brotin. Bæði Notio og Marine Harvest vistu, at ikki bar til at gera forkeypsrættin galdandi. Men kortini keypti Marine Harvest partabrøvini.</div><div><br></div><div>Um hetta ber til, kunnu útlendingar ogna sær størri part í Bakkafrosti, stendur í brævinum til Vinnumálaráðið. Sagt við øðrum orðum, so kann lógarbroytingin, sum skuldi forða útlendingum í at leggjast á føroysku alivinnuna, vísa seg at vera nyttuleys.</div><div>  </div><div><br></div><div><br></div><div><br></div>