Fíggjarligt støðufesti stevnir eftir sjey mia

bannari
04.09.2013 - 10:22
AktueltPengar
Fíggjarligt støðufesti stevnir eftir sjey mia
Talan er um 120 rættarmál móti fólki í sjey peningastovnum. Teirra millum eru Eik Bank Danmark og Eik Banki Føroya
Fyrsta sakarmálið, sum Fíggjarligt støðufesti hevur reist, verður væntandi viðgjørt í heyst
 
 

Fíggjarligt støðufesti hevur stevningar og trætur, sum bíða eftir at verða avgjørdar, fyri okkurt um sjey milliardir krónur. Fíggjarligt støðufesti vil hava endurgjald frá leiðslunum í pengingastovnum, sum kollsigldu og Fíggjarligt støðufesti noyddist at yvirtaka.

Talan er um 120 rættarmál móti fólki í sjey peningastovnum. Teirra millum eru Eik Bank Danmark og Eik Banki Føroya.

Í hálvársroknskapi sínum sigur Fíggjarligt støðufesti, at fær stovnurin viðhald í rættinum, kann missurin gerast minni hjá teimum kreditorunum, sum ikki hava framíhjárætt til pengar, sum trotabúgvini eftir peningastovnarnar fáa inn.

Stevningarnar skrivaðar

Stevningarnar hjá Fíggjarligum støðufesti eru skrivaðar, eftir at ein advokatkanning hevur staðfest, at alt ruggaði ikki rætt í peningastovnunum. Fíggjarligt støðufesti byrjar bara eitt mál, um bestu líkindi eru til, at tað fer at eydnast at vinna málið, stendur í hálvársroknskapinum.

Fíggjarligt støðufesti hevur sett av 1,2 mia. kr. til rættarmálini. Tríggir bankar eru yvirtiknir uttan at grundarlag er fyri at krevja endurgjald frá leiðslunum, sum vóru har. Teir eru Fionia Bank, Max Bank og Fjordbank Mors.

Í løtuni verður ein advokatkanning gjørd um Sparekassen Østjylland. Higartil hevur Fíggjarligt støðufesti brúkt 58 mió. kr. til advokatkanningar, og 90 mió. kr. eru higartil brúktar til advokatar, sum hava málini fyri stovnin.

Fyrsta sakarmálið í heyst

Fíggjarligt støðufesti heldur, at tað hevur samfelagsligan áhuga at fáa greiði á, um fyrrverandi leiðslurnar í kollsigldu peningastovunum hava endurgjaldsskyldu. Væntandi verður fyrsta sakarmálið viðgjørt í heyst.

Fíggjarligt støðufesti eigur framvegis 30 prosent í nýggja Eik Banka, men TF Holding, sum eigur hini 70 prosentini, hevur forkeypsrætt til tey partabrøvini.

Nýggjastu sendingar í ÚV
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Mánadag 15. oktober
Við Tórði á túri til roysnissteinar
86442
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308