Almannaverkið vil hava Fámara til námsfrøðiligt tilboð

Almannaverkið vil hava Fámara til námsfrøðiligt tilboð
Advokaturin hjá Johan og Rakul Dalsgaard hevur biðið um fund við Jacob Vestergaard, landsstýrismann, men landsstýrismaðurin vil ikki hava fund
Fríggjadagin ger Fútarætturin úrskurð í málinum, um tey, sum búgva í Fámará, skulu fara haðani
 
16.09.2013 - 07:43

Almannaverkið hevur áhuga fyri Fámara, og spurdi í august Búnaðarstovuna, um til ber at brúka garðin til námsfrøðiligt tilboð. Tað gjørdi Almannaverkið eftir at hava fingið fyrispurning frá Johan og Rakul Dalsgaard, sum hava búð í Fámara síðani í mai 2010.

Men Búnaðarstovan vísti til nýggja festaran í Fámara, Jens Hera Jacobsen í Sumba.

Almannaverkið spurdi 9.august, 22 august varð festibrævið tinglýst, og 3.september svarar Búnaðarstovan Almannaverkinum.

Jens Heri Jacobsen vísir síðani til advokatin hjá sær, Alfred Petersen. Tá Fútarætturin viðgjørdi Fámara fríggjadagin, var ikki eydnast advokatinum hjá fólkunum í Fámara, Thorkild Høyer, at fáa orð á Alfred Petersen, sum hevur verið uttanlands.

Vil ikki hava fund

Thorkild Høyer hevur eisini roynt at fingið fund við landsstýrismannin í landbúnaðarmálum, Jacob Vestergaard, fyri at vita, um til ber at fáa semju í málinum. Men tað bar ikki til, segði Thorkild Høyer í Fútarættinum fríggjadagin. Landsstýrismaðurin vildi ikki hava fund.

Á middegi fríggjadagin fer Fútarætturin at kunngera úrskurðin um kravið hjá Búnaðarstovuni um, at fólk og djór í Famará skulu burtur haðani.

Búnaðarstovan vil hava fólkini út alt fyri eitt. Thorkild Høyer bað í fyrsta umfari Fútarættin um at vísa kravinum hjá Fútarættinum aftur, ella, í øðrum lagi, at málið verður útsett til eftir 23.september. Tá er hoyringarfreistin hjá Fiskimálaráðnum farin.

Kærur um festið

Fiskimálaráðið hevur nakrar kærur um avgerðina hjá Búnaðarstovuni um at lata Jákupi Hera Jacobsen festið.

Johan Dalsgaard hevur sagt, at staðfestir Fiskimálaráðið avgerðina um festið - tað er, at Johan Dalsgaard fær ikki festið, so eru hann og hansara fólk til reiðar at flyta úr Fámara.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585