- Tíðindi, mentan og ítróttur
Credo
Í september 2017 var sóknarpresturin Jóannis Fonsdal saman við m.a. Áka Andreasen úr Brøðrasamkomuni, sum er baptistaprestur í Danmark, á eini loyniligari tvørkirkjuligari ferð við felagsskapinum " Åbne Døre" til eitt ónevnt land í Miðasia við átrúnarligari neyðhjálp til forfylgd kristin har.
Landið verður hildið dult fyri at verja tey kristnu har.
Hóast tað sambært landsins lógum er trúarfrælsi í hesum landi, so er veruleikin ein heilt annar.
Um tú verður verðandi í tí átrúnaði, tín ættarbólkur hevur, fært tú rímiligan frið; men um t.d. ein muslimur verður kristin ella ein kristin boðar fyri einum muslimi, so fært tú skjótt at kenna, hvat myndugleikarnir, nærsamfelagið og familjan hugsa um tað og tú verður møttur við ógvusligari forfylging.