Jósef spælir Tausen á Lava, Haydn, Liszt og aðrar

24-06-2016

Eli Tausen á Lava er 19 ára gamal og hevur skrivað eitt størri klaververk, sum Jósef Zachariassen spælir í Norðurlandahúsinum sunnudagin klokkan 15

Sunnudagin klokkan 15 verður forvitnislig klaverkonsert í Norðurlandahúsinum.

Jósef Zachariassen, sum var við í Stella Polaris-tónleikakappingini í 2014, hevur klaverkonsert. Jósef lesur nú tónleik á konservatorinum í Stavanger í Noregi. Á skránni er nýggjur, spennandi tónleikur eftir Eli Tausen á Lava, og eldri tónleikur eftir Haydn, Liszt, Shostakovich og Kapustin.

Eli Tausen á Lava er 19 ára gamal og byrjar í heyst á musikkskúlamiðnámi, sum Tórshavnar Musikkskúli leggur til rættis.

Jósef Zachariassen og Eli Tausen á Lava eru í útvarpsstovuni.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)