Vit binda frið, og vit binda sambond.

Tað hava nakrir føroyingar funnið útav.

Sambinding eitur átakið, sum skal skapa samband millum tilflytarar og føroyingar.

Talan er um bindiklubbar, har báðir partar hittast at binda og at práta og harvið hjálpa tilflytarum at verða knýttir tættari at føroyska samfelagnum.

Í kvøld byrjar bindiklubburin í Havn aftur.

Sambinding verður týskvøld - einaferð um mánaðin - fram til summar.

Sunneva Háberg Eysturstein, ein av fyriskiparunum, og Juliana Arias, ið flutti til Føroyar úr Kolumbia fyri hálvum ári síðani, vitja.