- Tíðindi, mentan og ítróttur
Góðan morgun Føroyar
Á heimasíðu felagsins skrivar nevndin:
Á aðalfundinum í 2016 var tosað um, at velja ársins sjúkrarøktarfrøðing. Felagið hevur tí avgjørt at limir felagsins skulu hava møguleika at velja ársins sjúkrarøktarfrøðing 2017.
Orsøkin til hesa avgerð er, at sjúkrarøktarfrøðingar í dagliga arbeiðinum eru fyri stórum avbjóðingum - bæði fakliga og kensluliga.
Felagið virðismetir arbeiðið tit gera og vil tí heiðra ársins sjúkrarøktarfrøðingi.
Treytir:
Sjúkrarøktarfrøðingurin skal vera limur í Felagnum Føroyskir Sjúkrarøktarfrøðingar.
Tann innstillaði skal hava ein ella fleiri av niðurfyristandandi eginleikum:
At hann sínum dagliga yrki hevur verið við til at menna sjúkrarøktarfakliga yrki á ein jaligan hátt. At hann hevur verið eyðsýndur sum kveikjari fyri starvsfelagar, nýútbúnar sjúkrarøktarfrøðingar og fyri tey lesandi. At hann á ein jaligan hátt hevur verið hugkveikjandi fyri sínar starvsfelagar.
At hann er semjusøkjandi.
Vit heita á limir okkara um at senda okkum innstilling, hvønn tit meta eigur at verða kosin ársins sjúkrarøktarfrøðingur 2017. Í uppskotinum skal stutt verða greitt frá, hví tit halda at tann ið tit skjóta upp, skal fáa heiðurin.
Send felagnum ein teldupost við tínum/tykkara uppskoti til anar@sjukrarokt.fo
Uppskotið skal verða felagnum í hendi í seinasta lagi 1. mars.
Tað er nevnd felagsins, út frá innstilling frá einum stýrisbólki, sum tekur avgerð hvør fær heiðurin.
Ársins sjúkrarøktarfrøðingur 2017 verður heiðraður við einum gávubrævi á aðalfundinum 18. mars.