Fyri viku síðani sendi Tórshavnar kommuna skriv út á digitalu miðlunum um at skráseta garðaskøruna. Yvir 50 fráboðanir komu innan ein tíma og tí hevur kommununan fingið Ung í arbeiði at arbeiða við skøruni.

Ung í arbeiði fara at stríðast móti skøruni á kommunalum økjunum, men borgarin má sjálvur í hernað móti skøruni á egnum øki. Harumframt verður heitt á borgarar at taka skørublómuna og burturbeina hana, so at skøran ikki breiðir seg meira.

Skøran má ikki koyrast í kassan til sankutøð, men má í vanliga burturkastið at brenna.