Í fjør vóru 53,7 prosent av øllum nýføðingum í Føroyum føddir uttan fyri hjúnalag.

Síðani 2010 hevur gongdin verið, at meir enn helvtin av nýføðingunum hava foreldur, ið ikki eru gift.

Sambært Hera Joensen, presti, eru fleiri orsøkir til, at færri fólk velja at ganga saman í hjúnalag.

- Brúdleyp í dag eru blivin rættiliga stór og kostnaðarmikil, og tað ger, at fleiri fólk aftra seg við at giftast, sigur Heri Joensen.

Hann heldur, at myndin fer at broytast lítið næstu 15-20 árini.

- Gongdin hevur verið tann, at mann fyrst fært sær børn og finnur tann rætta ella ta røttu, og so verður tað umhugsað í øll hesi árini, um viðkomandi er tann rætti ella rætta. Ofta giftast pør ikki fyrr enn børnini eru sjey ár. Eg plagi tó at siga, at tað er ongantíð ein spurningur um at finna tann rætta ella røttu, tað

snýr seg um at royna at vera hin rætti í einum hjúnalagi, sigur Heri Joensen.