- Tíðindi, mentan og ítróttur
Góðan morgun Føroyar
Í kvøld klokkan 19.00 skal føroyska A-landsliðið hjá kvinnum spæla fyrsta dystin í HM-undankappingini.
Mótstøðuliðið á Tórsvølli í kvøld er Kekkia.
Hetta er aðru ferð, at A-landsliðið hjá kvinnunum skal spæla í HM-undankaping.Fyrru ferð var í 2015.
- Tá vistu vit ikki heilt, hvat vit fóru inn til, men nú vita vit, hvussu tað er og hava eisini fingið fleiri royndir, og tað, haldi eg, er ein fyrimunur í sambandi við dystin í kvøld, sigur Olga Kristina Hansen, landsliðsleikari.
Eingin ivi er um, at føroysku leikararnir fáa mótstøðu á Tórsvølli í kvøld.
- Kekkia er eitt gott lið, tað eru størir og høgir leikarar, og so hava tær góðan tekniskan førleika, sigur høvuðsvenjarin, Pætur Clementsen.
Dysturin verður stroymdur á heimasíðuni hjá Kringvarpinum á kvf.fo