Meir enn ein triðingur av teimum, sum hava ella hava havt sína yrkisleið á einum fjølmiðli, hava kent seg vera fyri ágangi ella illa viðfarnan í sínum starvi í føroyska miðlaheiminum. Fimti hvør hevur kent seg beinleiðis hóttan.

Hetta vísir støðulýsingin, sum felagið Føroysk Miðlafólk hevur gjørt.

- Tað eru avgjørt ávís evni, sum gera, at mann sum journalistur kann rokna við at fáa óbehagilig sms-boð, uppringingar ella blíva úthongd á sosialu miðlunum, sigur Barbara Holm, blaðstjóri á Sosialinum.

Georg L. Petersen, blaðstjóri á Dimmalætting, hevur somuleiðis upplivað at veriðfyri ágangi og beinleiðis hóttanum:

- Eg fekk einaferð eina uppringing, har tað bleiv sagt, at sá eg ein bil við døkkum rútum, skuldi eg ikki kenna meg tryggan, tí hann kendi fólk, sum kundu gera av við meg, sigur Georg L. Petersen.

Í morgunsendingini greiddu blaðstjórarnir báðir frá, hvussu ágangur og hóttanir ávirkar tey og teirra sosiala lív.