Havið vakið eygað við oljutangum

21-09-2017

Serliga oljutangar, sum eru 40 ára gamlir, eru í vanda fyri at leka

Tað kann gerast ein dýrur umgangur fyri eigara og so sanniliga eisini umhvørvi, um oljutangin lekur.

Lekar frá oljutangum eru ikki so vanligir, men seinastu árini er talan blivin um ein vaksandi trupulleika.

Kári Sigvardssen, rakstrarstjóri í oljufelagnum Magn, fortaldi í morgunsendignini, hvussu til ber at fyribyrgja leka á oljutangum.

-Tilfarið, sum oljutangin er gjørdur úr, hevur týdning, og harnæst spælir tað eisini ein leiklut, hvørt tangin stendur undir jørð ella ikki. Men serliga eru tað tangarnir frá 80unum, sum eru í vanda fyri at leka, siugr Kári Sigvardssen, sum í morgunsendignini gav góð ráð óg vegleiðing i´sambandi við lekar frá oljutangum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)