Plátubarrin letur uppaftur

13-10-2017

- Mær dámar væl at vera til arbeiðis í Plátubarrini leygarkvøld, tí eg fái so nógv frá lurtarunum, sigur verturin, Jákup Magnussen

Leygarkvøldið letur Pláturbarrin uppaftur fyri fyrstu ferð hendan veturin.

Sum altíð er tað tann vælupplagdi, filosofiski og avslappaði Jákup Magnussen, ið er vertur fyri sendingini, sum er á skránni næstu mongu leygarkvøldini.

Onkur vildi kanska hildið, at tað er keðiligt at skula til arbeiðis hvørt leygarkvøld og ikki kunna fara heim fyrr enn langt út á náttina. Men soleiðis er ikki við Jákupi Magnussen.

- Tað er eitt gott kvøld hjá mær at senda í. Eg fái liva mítt lív við at gera hesa sendingina, eg kann geva nakað, og so fái eg eisini nakað frá lurtarunum, sigur Jákup Magnussen.

Í morgunsendingini fortaldi hann um Plátubarrina og millum annað, hvussu hann fyrireikar vælumtóktu leygarkvøldssendingina.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)