Ásla flutti síni egnu mørk

17-10-2017

Ásla kappaðist í London í nýggjum hársniði seinasta vikuskiftið. Ásla vann einki heiðursmerki, men hon vann á sær sjálvari, at vera við í kappingini

Leygardagin var finala í stóru kappingini TrendVision 2017 í London, har 82 hárfríðkanarkvinnur úr 44 londum hava kappast, hvør ger vakrasta hársniðið.

Føroyska hárfríðkannarkvinnan, Ásla Danielsen var við saman við einum stylisti og einum modelli. Ásla umboðaði Danmark í kappingini.

- Tað var sera gevandi at vera við og eg havi fingið nógv heimaftur við at hjálpa mær víðari í starvinum sum hárfríðkanarkvinna, sigur Ásla Danielsen.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)