Ert tú ein av teimum mongu, sum ætla sær skíðferð í januar ella februar, so er tað nú, tú av álvara skalt byrja at styrkja tær kroppin.

Byrjar tú at venja nú, sleppur tú undan alt ov nógvum ansperri og kanst fyribyrgja onkrar typiskar skaðar, sum fólk fáa í sambandi við at standa á skíð.

- Tað týdningarmiklasta er at venja beinini og lendarnar, tí hesir partarnir av kroppinum eru undir størstum trýsti, tá tú stendur á skíð, sigur Jákup Jacobsen, sum er persónligur venjari og hevur í fleiri ár undirvíst fólki, sum skulu venja áðrenn skíðferðina.

Í morgunsendingini kom hann við góðum ráðum, um hvussu slepst undan skaðum og ansperri í sambandi við at standa á skíð.

Á Facebooksíðuni hjá Góðan Morgun Føroyum ber til at síggja upptøku við rørslum, sum eru góðar at gera áðrenn skíðferðina.