Absolute Music 25 ár

13-11-2017

Fløgurnar, ið veruliga vóru populerar í 90unum, hátíðarhalda 25 ár

Absolute Music. Fleiri kennast ivaleyst við hetta heitið, tí hetta eru tær sokallaðu uppsamlingsfløgurnar, sum vóru tað heilt stóra í 90unum.

Fyrsta Absolute Music fløgan kom út til jólasøluna í 1992, og sostatt fyllir Absolute Music 25 ár júst nú.

- Hetta var tað heilt stóra, tí her var alt tað kenda og góða á.

Tað sigur Ottar í Funningsstovu, sum hevur verið dj ella plátuvendari, sum summi eisini kalla tað, í nógv ár. Í 90unum var hann nógv til arbeiðis á teimum ymisku diskotekunum - serliga í Havnini.

Í morgunsendingini greiddi hann frá tónleikinum, sum var at finna á kendu fløgunum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)