Ger sín heilt serliga bindiklubb

13-11-2017

- Tá tað er trupult at koma í ein bindiklubb, har kvinnurnar kennast frammanundan, royni eg hetta, sigur Charlotta, sum ger bindiklubb á Facebook

Hvat ger mann, tá mann flytur til Føroya eftir at hava búð uttanlands í 24 ár, og mann fegin vil vera við í einum bindiklubbi?

Tað er ikki heilt lætt, og tí ger Charlotta Rein Hentze nú sín heilt egna bindiklubba upp á ein heldur ótradtionellan máta.

Í 2008 flutti hon úr Danmark til Føroya at búgva, og vildi fegin gerast partur av einum bindiklubbi. Men tað var ikki heilt einfalt.

- Í flestu bindiklubbum hava kvinnurnar kenst í nógv ár og hava nógv í felag. Tí er torført at koma nýggj í ein bindiklubb, sigur Charlotta Rein Hentze.

Tí ger hon nú eina roynd við at gera sín heilt egna, nýggja bindiklubb.

- Eg havi skrivað á Facebook, at kvinnur eru vælkomnar í hendan bindiklubbin, har allar eru nýggjar í bólkinum, sigur Charlotta Rein Hentze.

Longu nú hava oman fyri 40 kvinnur meldað seg til.

- Eg verði noydd til at gera fleiri bindiklubbar, tí her er so stórur áhugi, sigur Charlotta Rein Hentze.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)