Leggið góðar kostvanar í smábørnini

14-11-2017

- Skeivir kostvanar og yvirvekt fylgja børnunum í nógv ár. Tí skulu tey longu, tá tey eru smábørn, læra um mat og matvanar, sigur Kala Rajani Hansen

- Tað er av stórum týdningi, at børn fáa góðar kostvanar og læra at njóta eina máltíð, longu tá tey eru heilt smá.

Tað sigur Kala Rajani Hansen, sum er heilsufrøðingur.

Ein kanning, sum Gigni og Granskingardepilin fyri samfelagsmenning gjørdu í 2011-2012, vísti eina støðumeting av børnum, sum ganga í 1. flokki. Úrslitini vóru greið.

- Kanningin vísti, at fjórða til fimta hvørt barn í fyrsta flokki vigar ov nógv. Og vigar eitt barn ov nógv tá, sær tað út til, at yvirvektin er trupul at sleppa av við, sigur Kala Rajani Hansen.

- Og tí er umráðandi, at børnini - longu tá tey eru smá - fáa góðar kostvanar, sigur Kala Rajani Hansen.

Í morgunsendingini greiddi hon frá trupulleikanum við børnum og ovurfiti, og harafturat svaraði hon eisini spurningum frá lurtarunum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)