Dávur Birgisson farin til Kina at hugsavna seg

15-11-2017

Gittarleikarin, Dávur Birgisson, hevur tikið farloyvi frá kongaliga danska musikkonservatiinum, og er fluttur til Kina í eitt tíðarskeið.

Ætlanin við farloyvinum er at fáa stundir til at venja og mennast í tónleikinum, sigur føroyski gittaristurin.

Dávur Birgisson hevur spælt nakrar konsertir í Kina, og ein teirra var rættiliga serstøk, tí millum áhoyrararnar var danski krúnprinsurin.

Hann tóktiskt hugtikin av tónleikinum, sum Dávur Birgisson spældi.

Eftir framførsluna fekk hann eitt lítið prát við krúnprinsin.

Dávur Birgisson kemur aftur til Føroya í desember, og síðstu viku í februar hevur føroyski gittaristurin eina konsert í Lisaskálanum í Havn.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)