Í gjár fór seinasta blaðið av Kvinnu í ár til prentingar. Umframt at vera ársins seinasta útgáva er hetta eisini seinasta blaðið, har Siri Sørensen situr sum stjóri.

- Tað er ein løgin kensla, tí Kvinna er mítt barn, og nú skal eg slepa tí, sigur Siri Sørensen.

Seinastu næstan fimm árini hevur Siri Sørensen sitið í stjórasessinum á Føroya størsta kvinnublaðið.

- Tá eg byrjaði setti eg mær fyri, at kvinnur skulu tora at traðka fram og hava sínar egnu meiningar. Eisini vildi eg vísa, at føroysku kvinnurnar eru ymiskar. Summar eru høgar, onkrar eru lágar, summar klænar og onkrar stórar. Eg haldi, at blaðið hevur endurspeglað hetta, sigur Siri Sørensen.

- Tað hevur verið ein fantastisk tíð, men tað hevur eisini verið øgiliga strævið. Sum stjóri á Kvinnu tekur tú tær av ógvuliga nógum og ymiskum uppgávum, og eingin dagur hevur verið eins. Arbeiðsvikan hevur verið millum 50 og 60 tímar, sigur Siri Sørensen.

Í morgunsendingini hugleiddu hon millum annað um ymiskar stuttligar løtur, hon hevur upplivað hesi árini, hon hevur verið stjóri á Kvinnu.

Enn er ógreitt, hvat hon fer at gera næstu tíðina.