Sorg og iðran eru miðdeplinum í nýggja tilfarinum

17-11-2017

Tað eru fýra ár síðani, at Hamferð seinast læt nýskrivaðan tónleik úr hondum. Nú er aktuellur sangur komin á marknaðin

Morgunsendingin skiftir orð við Jón Aldará, sangara, og Theodor Kapnas, gittarist í Hamferð.

Prátað verður um sangin Hon Syndrast, sum er fyrsta stakfløgan av Támsins likam, ið kemur á marknaðin 12. januar í 2018.

Fløgan verður givin út á felagnum Metal Blade Records, og tað eru boð eftir Hamferð, nú PR-maskinan er farin á rull.

Bólkurin skal spæla konsertir í nógvum londum.

Týskland, Póland, Slovenia, Slovakia, Ungarn, Frankaríki, Italia og, Eysturríki eru váttað - og so verður uttan iva eisini onkur spæling í Føroyum.

Videolagið til hon syndrast er sermerkt.

Listamaðurin Costin Chioreanu hevur teknað, málað og sett saman.

Tað kann síggjast her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)