Nýval verður ikki nú

29-11-2017

Løgmaður kann skriva út nýval, men lítið bendir á, at tað fer at henda, siga journalistar, sum fylgja politisku støðuni

Journalistarnir Beinta Løwe og Árni Gregersen, sum bæði fylgja politisku gongdini tætt, mettu í Góðan morgun Føroyar um politisku støðuna. Ein av niðurstøðunum var, at nýval sjálvandi er ein møguleiki hjá løgmanni, men tað er avgjørt ikki nakað, hann ynskir. Veljarakanningin hjá Norðlýsinum sigur, at flokkurin kemur at missa trý tingfólk, um val var nú - og tað er eitt vánaligt útgangsstøði at fara til val við.

Somuleiðis ynskja samgonguflokkarnir at toyggja seg langt í royndini at finna eina semju um fiskivinnunýskipanina.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)