Trívist tú ikki við at vera tað kynið, tú ert fødd ella føddur sum, so er í lagi, at tú gert eitt kynsskifti.

Tað halda 76 prosent av teimum 525 miðnámsskúlanæmingunum, sum ungdómsblaðið Ó hevur spurt.

Í Ó-blaðnum hesaferð er eitt av evnunum júst kynsskifti.

Tann 23 ára gamla Annika Samuelsen er á forsíðuni á Ó-blaðnum, tí hon ert fødd drongur, men følir seg sum konufólk og sær eisini í dag út sum konufólk.

- Fyri tveimum árum síðani tók eg endaliga støðu. Tá hevði eg í nógv nógv ár vitað, at eg var ein genta, sjálvt um eg sá út sum ein drongur, fortelur Annika Samuelsen.

Hon dylir ikki fyri, at tað hevur stundum verið trupult at fara frá Róa til Anniku:

- Tað hevur havt sínar avbjóðingar, og tað hava verið nógvir upp- og niðurtúrar, men tá samanumkemur, hevur familjan verið ógvuliga stuðlandi, siugr Annika Samuelsen.

Hóast hon sum heild ikki upplivir at fáa negativar viðmerkingar, veit hon, at fólk hugsa sítt:

- Eg síggi ofta, at fólk hyggja eitt sindur øðrvísi eftir mær í dag, men tað skilji eg væl, tí nú líkist eg ikki Róa meir, men síggja út sum eitt konufólk, sigur Annika Samuelsen.

- Fólk skulu vita, at eg eri so nógv meir enn bara tvørkynd. Eg eri í ferð við at útbúgva meg í marknaðarførslu, og havi áhugamá sum flest onnur, heldur Annika Samuelsen fyri.

Í morgunsendingini greiddi hon frá um tilgongdina at fara undir eitt kynsskifti.