- Tíðindi, mentan og ítróttur
Góðan morgun Føroyar
- Onkur hevur upprættað ein profil í mínum navni. Hetta er at fara út um øll mørk. Kann fráboða viðkomandi at farid verður víðari í hesum máli !
Soleiðis skrivaði borgarstjórin í Havn, Annika Olsen, á facebookvanganum hjá sær hósdagin í síðstu viku. Fleiri fólk vendu sær til hennara og søgdu, at ein onnur Annika Olsen hevur sett seg í samband við tey, og skriva ymiskt keðiligt.
Annika Olsen heldur hetta vera ógvuliga ørkymlandi, tá hon er borgarstjóri, og tískil kann ein slíkur vangi leggja seg uppí hennara arbeiði. Tað skal takast í álvara og varpast ljós á tað, tá onkur stjelur samleikan hjá einum, sigur Annika Olsen.
Hon setti seg beinanvegin í samband við KT-deildina hjá Tórshavnar kommunu, men viðkomandi, sum gjørdi Facebook vangan, strikaði hann sjálvur, eftir at Annika Olsen skrivaði síni boð út á sín vanga. So viðkomandi hevur allarhelst sæð boðini og er ein av vinunum hjá borgarstjóranum á Facebook.
Annika Olsen hevur eisini verið í sambandi við løgregluna, sum sigur tað vera trupult at finna fram til viðkomandi, men Annika Olsen vónar, at viðkomandi verður funnin.