Fýra føroyskir svimjarar eru við til EM

13-12-2017

EM í svimjing á stuttgeil í Keypmannahavn byrjar í dag og heldur fram til 17. desember.

Vár Erlingsdóttir Eidesgaard, Signhild Joensen, Alvi Hjelm og Óli Mortensen umboða Føroyar. Rókur í Jákupsstovu, formaður í Svimjisambandi Føroya, sigur, at ferðaliðið er væl fyri, og svimjararnir eru til reiðar til kappingina, hóast tey fyri stuttum vóru til Norðurlendsku Meistarastevnuna í Reykjavík.

Kappingin er hørð til EM, og Rókur í Jákupsstovu vónar, at føroysku svimjararnir svimja sína bestu tíð, men hann væntar ikki, at føroyingarnir koma í nakra finalu.

Vár Erlingsdóttir Eidesgaard skal svimja í 100m, 200m, 400m og 800m frísvimjing, og Signhild Joensen 50m, 100m og 200m rygg.

Alvi Hjelm skal svimja í 400m frí og 200m og 400m blandað, og Óli Mortensen 400m og 1400m frí.

Føroyska landsliðið luttekur eisini í 4x50m frí.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)