Helvtin av monnum yvir 50 hava potenstrupulleikar

13-12-2017

Potenstrupulleikar eru vanligari, enn vit geva okkum far um. Helvtin av monnum, sum eru eldri enn 50 ár hava viknaðan potens

Johan Poulsen, ábyrgdarhavandi urologur í Føroyum og yvirlækni í Aalborg sigur, at um ein maður hevur vanliga, góða heilsu, so byrjar potensurin at vikna við aldrinum.

Nógvir menn halda hetta vera eina avleiðing av aldrinum og gera tískil einki við tað, tí heldur Johan Poulsen at kommunulæknar skulu taka evnið upp, tá menn í vandabólkinum koma til heilsukanningar hjá kommunulækna.

Potenstrupulleikar kunnu batna ella hvørva, um ein fær hjálp. Kommunulæknin kann útskriva ymisk sløg av heilivági, t.d. viagra.

Annars eru sjúkur, ið serliga ávirka potensin. Diabetes sjúklingar og sjúklingar við ov høgum blóðtrýsti uppliva potenstrupulleikar í størri mun, men hesir kunnu eisini fáa heilivág fyri tað.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)