Hamferð spælir konsertir í 10 evropeiskum londum

12-01-2018

Hetta er ein serstakur dagur fyri føroyska tungmálmspallin, tí í dag kemur nýggja útgávan hjá Hamferð á marknaðin.

Fyrsta konsertin verður í Reykjavík leygarkvøldið, 13. januar.

Síðani er steðgur eina tíð, áðrenn lagt verður til brots aftur.

2. februar verður farið á pall í Týsklandi, og so er ein rúgva av konsertum á skránni.

Fleiri verða í Týsklandi, síðani Pólandi, Eysturríki, Ungarn, Slovenia, Italia, Hollandi, Fraklandi, Norra og Danmark.

Hetta er síðsti partur av triologiini, sum byrjaði við EPini Vilst er síðsta fet í 2010, helt fram við Evst í 2013 og nú endar við Támsins likam.

Morgunsendingin skiftir orð við Jón Aldará, sangará, og Theodor Kapnas, gittarist.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)