- Tíðindi, mentan og ítróttur
Góðan morgun Føroyar
Hvat hava Serena Williams, Tonya Harding, Wilson Kipketer, Usain Bolt, Jane Fonda og Carl Lewis til felags?
Jú tey eru øll sangheiti á nýggju útgávuni Running Music, sum Teitur og Mads Bjørn hava latið úr hondum.
Útgávan byrjar við 120 BPM, Beats Per Minute, fer seinni heilt upp á 180 og endar aftur har hon byrjaði við 120 BPM.
Tað góða í dag er, at tú sum tónleiki hevur frælsi til at gera alt møguligt, sigur Teitur.
Lurtararnir góðtaka tað og hugsa sum so, at um teimum ikki dámar okkurt, ið eg geri, so lata tey tað liggja, og lurta heldur eftir onkrum øðrum.
Teitur leggur aftrat, at í vár kemur ein vanlig Teitur-fløga á marknaðin.
Hetta er tónleikur, sum í stóran mun er tikin upp í New York, og klaverið er frammarliga í ljóðmyndini.