Alla síðstu viku var ein stórur partur av prestunum í Føroyum á Viðareiði á sokallaðum kvirrudøgum.

Onnur helvtin var mánadag til mikudag, og hin helvtin mikudag til fríggjadag.

Tveir, sum vóru við á túrinum á Viðareiði, eru Heri Joensen og Sverri Steinhólm.

- Eg fekk skriva eina rúgvu. Prædikur, morgunlestrar, røður og ymiskt annað. Eg fekk veruliga nógv burturúr, heldur Heri Joensen fyri.

Sverri Steinhólm hinvegin gjørdi ikki so nógv við at skriva.

- Nú er hetta aðru ferð, at eg eri við á hesum túrinum. Í fjør skrivaði og las er rættiliga nógv, men hesaferð valdi eg at gera eitt sindur minni. Og fari eg aftur næsta ár, ætli eg mær als einki at gera og bara vera í tøgn, sigur Sverri Steinhólm.

Í morgunsendingini fortaldu teir báðir prestarnir frá túrinum á Viðareiði.