Skal eisini vera undirhaldandi at lesa skúlabøkur

17-01-2018

Ein skúlabók skal ikki bara vera turrur lesnaður, men skal helst eisini vera undirhaldandi, sigur Helgi Abrahamsen, rithøvundur

Fyri døgum síðan kom nýggj sBók á marknaðin, sum snýr seg um viðurskiftini millum arbeiðsgevara og arbeiðstakara.

Í 2016 vóru 100 ár liðin, síðan fyrsti kollektivi sáttmálin millum tvey feløg á landi varð gjørdur. Helgi Abrahamsen hevur skrivað, og Nám hevur staðið fyri útgávuni.

Ein sbók, er bók, sum verður lisin á internetinum. Har ber til at síggja videobrot, sum eru løgd inn í bókina. Ein sbók er serliga vælegnað til samvirkistalvur í skúlunum, og tí er henda bók, 'Arbeiðsmarknaðurin' sera væl egnað til skúlabrúks.

Bókin er ókeypis og finst á heimasíðuni hjá Námi

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)