Danny & the Weetos hoyrdir á café í Suðurkorea

07-02-2018

Limirnir í Danny & the Veetos hava onkran fylgjara úr Suðurkorea á Instagram. Kanska er tað komið í lag tann vegin, halda teir

Jóhanna Magnusardóttir, sum lesur í Kina, er í løtuni á vitjan í Suðurkorea.

Hon og unnustin sótu á café og ótu ein burgara, tá nakrir kendir tónar brádliga komu úr hátalarunum.

Tað var sangurin Alright hjá føroyska bólkinum Danny & the Veetos.

Jóhanna Magnusardóttir kannaði, hvaðani sangurin kom, og tað vísti seg, at hann var á stroymingtænastu, sum verður brúkt har um leiðir.

Um tað er gerandiskostur, at Danny & the Veetos verða spældir í Suðurkorea, veit Jóhanna Magnusardóttir tó ikki at siga.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)