Havnar Sjónleikarfelag 100 ár

08-02-2018

Hóast tað til tíðir kann virka trupult at fáa leikarar, so hevur Havnar Sjónleikarfelag tað gott í dag, sigur Karin Djurhuus, forkvinna í felagnum

Felagið hevur sett upp 153 leikir í Sjónleikarahúsinum síðan húsið bleiv bygt í 1926.

Einki skrivligt er at finna um virksemið hjá felagnum tey fyrstu árini, tí tá eingilsku hermenninir komu til Føroyar undir Seinna veraldarbardaga, tóku teir Sjónleikarahúsið, og tá teir fóru avstað aftur, fóru teir við einum skrivaraborði, og har skuldu so eisini allar gerðabøkurnar hjá Havnar Sjónleikarfelag liggja í. Leitað hevur verið eftir hesum borði, men uttan úrslit.

Umstøðurnar í dag í Sjónleikarahúsinum eru góðar, og tær blíva betri tá nýggja útbyggingin er liðug, sigur Hanna Flóvinsdóttir, nevndarlimur í Havnar Sjónleikarafelag.

Karin Djurhuus og Hanna Flóvinsdóttir eru í útvarpsstovuni og greiða frá um Havnar Sjónleikarafelag.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)