Bæði Bartal Eliasen og Jørgen Niclasen eru á einum máli um, at ÍF er favorittur at vinna flogbóltsfinaluna hjá monnum leygardagin. Hetta dámar okkum væl, sigur sørvingurin.

Vit hava verið undirtippaðir til hvønn dyst, men higartil hevur SÍ b vunnið alt.

Okkara styrki er royndirnar og tað sálarliga. Harumframt eru hetta framúr góðir spælarar, leggur Jørgen Niclasen aftrat.

Bartal vísir á, at ÍF hevur eitt krútserkt lið við nógvum ungum leikarum.

Báðir eru teir samdir um, at hugurin og hungurin at vinna, framvegis er til staðar.

Finalan leygardagin verður leikt í stórhøllini á Hálsi í Havn.

Jørgen Niclasen og Bartal Eliasen vóna, at nógv fólk kemur til Havnar at stuðla.