Føroyski dunnuhylurin skal provokerast

06-03-2018

Nýggi blaðstjórin á Kvinnu, Tóra E. Mortensen vil hava lesaran at spæla ein størri leiklut í blaðnum. Og so vil hon provokera.

Í gjár hevði nýggi blaðstjórin á Kvinnu sín fyrsta arbeiðsdag.

- Eg havi glett meg at byrja hetta arbeiðið og ivist ikki í, at eg kann brúka tær royndirnar, eg havi, frá teimum ymsu bløðunum, eg havi arbeitt á í Danmark.

Soleiðis sigur 36 ára gamla Tóra Effersøe Mortensen, sum skal stýra Kvinnu-skútuni næstu árini.

Og nýggi blaðstjórin hevur fleiri ætlanir við blaðnum.

- Eg ynski, at lesarin skal spæla ein nógv størri leiklut, og gerandislívið hjá føroyskum kvinnum skal fylla meir, sigur Tóra E. Mortensen.

Harafturat vil hon eisini provokera.

- Eg vil gjarna provokera dunnuhylin eitt sindur, og vónandi kann tað síggjast aftur í innihaldinum í blaðnum. Tað snýr seg um familjubondini og hetta her við at vera eitt sindur bangin fyri, hvør meinar hvat um hvat. Tó skal hetta gerast, uttan at tað verður keðiligt, men heldur spennandi og fjølbroytt, sigur Tóra E. Mortensen.

Fyrsta blaðið við ´Tóru E. Mortensen sum blaðstjóra kemur út um hálvan apríl.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)