Várframsýningin 2018 letur upp í dag

06-04-2018

Várframsýningin í Listasavni Føroya letur upp í dag og er opin fram til 29. apríl. Í ár luttaka 14 listafólk í framsýningini.

Felagið Føroysk Myndlistafólk skipar fyri várframsýningini. Í ár sita Jón Sonni Jensen, Annika Gregoriussen og Randi Samsonsen í úrvalsvendini.

Tað eru fýra listafólk, sum eru við í framsýningini fyri fyrstu ferð, meðan hini tíggju hava luttikið fyrr.

Jón Sonni Jensen og Randi Samsonsen greiða frá listafólkunum og verkunum, sum eru við í ársins várframsýning, og hvussu tey velja listafólkini út og skipa framsýningina.

Morgunsendingin hitti eisini Dan Helga í Gong, sum er við í framsýningini fyri aðru ferð. Í ár sýnir hann fram tvær videoinstallatiónir.

Várframsýningin letur upp kl. 16.00 í dag. Tað er Vónbjørt Vang, rithøvdundur, sum fer at seta framsýningina.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)