- Tíðindi, mentan og ítróttur
Góðan morgun Føroyar
Tað eru bara bestu røturnar, sum koma á handilshillarnar.
Vit hugsaðu, at tað hevði verið snilt, um vit kundu brúkt avlopsrøturnar til okkurt, sigur Jógvan Jón Petersen, bóndi í Stóri Dímun.
Í samstarvi við Janus Vang á Inova og Søren Antoft, ið bryggjar hjá Okkara, var farið undir royndirnar at fáa sterkan løg burturúr.
Tað er sterkur luktur og smakkur at rótini.
Vit hugsaðu fyrst um rótacider, men við tíðini eru eisini onnur uppskot komin á borðið.
Ein møguleiki kundi verið rótavín ella rótacherry.
Gott hevði verið, um tað riggaði væl til føroyskan mat, sigur Jógvan Jón Petersen.
Hann veit ikki rættiliga, hvussu langa tíð tað fer at taka, áðrenn farið verður undir veruliga framleiðslu, men tað hevði verið stuttligt, um okkurt kom út í heyst, tá tann rótin er klár, leggur hann afttrat.
18 umsóknir hava fingið játtað stuðul í 2018 fyri tilsamans 800.000 krónur. Verkætlanin í Dímun hevur fingið 50.000 krónur í stuðli.