- Tíðindi, mentan og ítróttur
Góðan morgun Føroyar
Á ráðstevnuni verður møguleiki hjá lesandi at fanga arbeiðsgevarar, ið á ein ella annan hátt hava føroyskt tilknýti.
Hinvegin er eisini møguleiki hjá arbeiðsgevarum at fanga tey mongu føroysku lesandi, ið húsast í Danmark.
Til ber eisini at hoyra um Master útbúgvingarnar á Fróðskaparsetrinum.
Á ráðstevnuni luttaka yvir 20 fyritøkur og stovnar frá tí almenna og privatu vinnuni. Vit hava lagt okkum eftir at hava okkurt til allar málbólkar, soleiðis at tann lesandi og arbeiðsgevarin kunnu fanga tey røttu fólkini.
Endamálið við tiltakinum er at lata upp fyri samskifti og samstarvi millum lesandi, fyritøkur og stovnar, ið hava tilknýti til Føroyar, og at samantvinna føroysk lesandi í Danmark við arbeiðsmarknaðin fyri at tryggja áhaldandi menning og vøkstur í samfelagnum.
Ráðstevnan byrjar leygardagin klokkan 11.