- Tíðindi, mentan og ítróttur
Góðan morgun Føroyar
Dopingeftirlitið í Føroyum var munandi hert í fjør.
Føroysk eftirlitsfólk kunnu nú sjálvstøðugt fara út og taka dopingroyndir av íðkarum, sum eru limir í Ítróttarsambandi Føroya.
Nógvir føroyingar hava sína dagligu gongd í mongu venjingarmiðstøðunum, ið eru kring landið.
Hesar eru ikki limir í ÍSF, og tí hevur ikki borið til hjá eftirlitisfólkunum at gjørt royndir har.
Men nú fær Tvørmegi, sum fyrsta venjingarmiðstøð í Føroyum, limaskap í Anti Doping Danmark, og letur tí upp fyri møguleikanum, at ófráboðaðar kanningar verða gjørdar.
- Hetta er eitt stórt frambrot fyri føroyska ítróttarheimin, sigur Jarvin Feilberg Hansen, dopingeftirlitsfólk hjá ÍSF.
Nú fer ÍSF at bjóða øllum hinum venjingarmiðstøðunum til kunningarfund.
Vónin er, at allar gera avtalu við Anti Doping Danmark, leggur Jarvin Feilberg Hansen aftrat.