Bjargingarbáturin Rescue Lív 10 ár í dag

17-05-2018

23 fólk eru í vaktarskipan, ið er knýtt at bjargingarbátinum, og skiparin letur sera væl at manningini.

Morgunsendingin skiftir orð við Heina Eysturoy, sum hevur verið skipari á Rescue Lív øll árini.

Hann sigur, at báturin hevur roynst ógvuliga væl.

Einar 300 uppgávur hava verið, og tær hava verið ógvuliga fjøllbroyttar.

Virksemi er vaksið ógvuliga nógv, og nú eru boð eftir Lív næstan hvørja viku.

Báturin siglir skjótt, og tað fer illa við bátinum.

Nógv útgerð skal skiftast út, næstu ferð Lív fer til eftirlit, men møguliga er skilabetri at keypa nýggjan bát til ta tíð, sigur skiparin.

At verða knýttur at bátinum er sjálvboðið arbeiði.

Heini Eysturoy heldur, at motivatiónin hjá teimum flestu er at kunna hjálpa øðrum.

Tað er løn í sær sjálvum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)