Vilja hava føroyingar at eta asiatiskt

04-06-2018

- Rísflís riggar í Tailandi, so hví ikki royna tað her í Føroyum, siga brøðurnir Pætur og Filip, ið hava búð í Tailandi í seks ár

Í fjør fluttu beiggjarnir Pætur Larsen og Filip Larsen heim til Føroya aftur eftir at hava búð í Tailandi í næstan seks ár.

Har hava teir lisið altjóða búskap á Mahidol University International College.

- Tey árini, vit búðu í Tailandi, ótu vit ofta rísflísar, so tá vit komu heim til Føroya, hugsaðu vit, hví ikki royna tað her, sigur Pætur Larsen.

Tí eru brøðurnir nú farnir undir at seta sín dám á føroysku matmentanina við asiatiska skundverðinum.

Í morgunsendingini fortaldu beiggjarnir millum annað um tíðina í Tailandi, mentanina og um verkætlanina við Rísflís.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)