Ivan Eginsson Eysturland heldur við trimum fótbóltslandsliðum. Tey eru Føroyar, Ísland og Uruguay.

Tey bæði síðst nevndu eru við í HM endaspælinum í Russlandi.

Hann hevur verið fjeppari hjá Uruguay í næstan 30 ár.

Hesaferð hevur liðið møguleika at koma rættiliga langt í kappingini og kanska vinna hana, heldur hann.

Framúr góðir spælarar eru á liðnum, og vinnaramentaliteturin er nakað heilt serstakt.

Ivan Eginsson Eysturland vitjar javnan í Uruguay og fyri fýra árum síðan var hann í sjónvarpslýsingum í Uruguay og gjørdist tá landskendur.

Tað kemur kemur enn fyri, at fólk vilja taka myndir. Eg eri nokk ikki nógv broyttur, sigur hann skemtandi.

Hinvegin væntar hann, at tað verður trupult hjá Íslandi at spæla seg víðari úr bólkaspælinum.

Á myndini síggjast Ivan Eginsson Eysturland og kona hansara, Kinga Eysturland.