Fyri skjótt veimum mánaðum síðani fleyg Janus Rein sín seinasta túr sum flogskipari.

- Eg visti ikki av, at tann túrurin bleiv mín seinasti sum flogskipari,sigur Janus Rein.

Seinastu 19 árini hevur hann arbeitt sum flogskipari, men fyri umleið tveimum árum síðani fór heilsan av álvara at bila.

- Heilsukrøvini til flogskiparar eru ógvuliga høg, og lýkur tú ikki øll krøvini, ja so kanst tú ikki flúgva, fortelur Janus Rein, sum ikki vil koma nærri inn á, júst hvat ið honum bagir.

- Talan er ikki um nakað álvarsamt, men eg havi fingið eitt slag av arbeiðsskaða, sum ikki er óvanligur hjá pilotum, sum fleiri ferðir hvønn dag verða útsetir fyri ymiskt trýst og ljósgeislar, sigur Janus Rein.

Enn hevur hann ikki nakrar ítøkiligar ætlanir um, hvta hann skal takast við í framtíðini, men eitt er tó greit:

- Fyrst fari eg taka mær av løttum í nakrar vikur og vera saman við familjuni. Men kenni eg meg sjálvan rætt, so gongur ikki long tíð, áðrenn eg havi funnið okkurt annað arbeiði, sigur Janus Rin.

Í morgunsendingini fortaldi hann millum annað um, hvussu tað er at vera givin sum flogskipari og arbeiðsmøguleikar í framtíðini.